Wasalna fil-qrib! Probabbli s'issa smajtu b'Mużika Mużika - Festival tal-Kanzunetta Maltija. Festival li ħa jagħmel ir-ritorn tiegħu wara 8 snin u mhux dan biss, l-istess festival ħa jkun qed jagħti ġieħ il-kanzunetta Maltija u l-kantanti li tul is-snin taw kontribut biex il-kanzunetta Maltija tibqa' tinstema', tibqa' tixxandar u tindaqq.
Mużika Mużika ħa jitella' fuq tliet serati, fl-ewwel u fit-tielet serati l-kantanti ħa jkunu qed jinterpretaw xogħol oriġinali li qatt ma nstema' qabel fil-pubbliku, filwaqt li fit-tieni serata huma ħa jkunu qed jingħaqdu ma' kantanta veterani li tul is-snin kienu strumentali biex il-kanzunetta Maltija timxi 'l quddiem u tagħmel ħoss.
Dawn huma l-għoxrin kantant, kantanta u gruppi mużikali li għandna nistennew li naraw fit-tieni serata. Huma ħa jkunu qed jinterpretaw kanzunetta mir-repertorju vast tagħhom mal-artisti semi-finalisti ta' din is-sena. Kif tistgħu taraw hawn taħt, ħa jkun hemm il-krema tal-artisti Maltin u ninsabu tassew ħerqana sabiex inkunu nafu s-silitiet li ħa jipprovdulna f'dan il-kunċert mill-isbaħ.
Catherine Vigar
Ritratt: Facebook / Catherine Vigar
Debbie Scerri
Ritratt: Facebook / Debbie Scerri
Georgina Abela
Ritratt: Facebook / Georgina Abela
Godwin Lucas
Ritratt: Facebook / Godwin Lucas
Helen Micallef
Ritratt: Facebook / Sibtek
Ivan Grech
Ritratt: Facebook / Ivan Grech
Joe Cutajar
Ritratt: Facebook / Joe Cutajar
Joe George
Ritratt: Facebook / Joe George
Luisana Bartolo
Ritratt: New Shed - Facebook / Luisana Bartolo
Mario Caruana
Ritratt: Facebook / Mario Caruana
Mark Tonna
Ritratt: Facebook / Mark Tonna
Mary Spiteri
Ritratt: Facebook / Mary Spiteri
Maryrose Mallia
Ritratt: Facebook / Mary Rose Mallia
Mike Spiteri
Ritratt: Facebook / Mike Spiteri
Paul Giordimaina
Ritratt: Facebook / Paul Giordimaina
Phylisienne Brincat
Ritratt: Facebook / Phylisienne Brincat
Renato
Ritratt: JJ Chircop
The Greenfields
Ritratt: Facebook / Carmen Tanti
Tony Camilleri
Ritratt: Facebook / Tony Camilleri
William Mangion
Ritratt: Facebook / William Mangion
Infakkrukom li Mużika Mużika - Festival tal-Kanzunetta Maltija jixxandar LIVE fuq TVM fid-21:00 ta' filgħaxija fit-18, 19 u 20 ta' Marzu. Din żgur hija opportunità li wieħed m'għandux jitlef. Is-serati ħa jkunu preżentati minn Keith Demicoli, Claire Agius Ordway, Lara Azzopardi u Sarah-Lee Zammit.
Jingħaqdu magħhom b'satira Lee-N Abela u Gianni filwaqt li Taryn Mamo Cefai u Gianni Zammit ħa jkunu qed iżommu s-segwaċi tal-mezzi soċjali aġġornati b'dak li qed jiġri minn wara l-kwinti. Għal aktar informazzjoni tistgħu żżuru is-sit ta' Mużika Mużika HAWN, il-paġna ta' Facebook HAWN u Instagram HAWN.