"L-ewwel bewsa li tajtni għadni niftakarha ċar, bil-moħbi mill-ġirien quddiem il-bandli tad-dar ... kellna biss tnax li sirna nafu lil xulxin, fl-istilel ma kontx nemmen imma dan hu d-destin." Lirika mirquma li tixhed emozzjonijiet kbar, bejn żewġ maħbubin, koppja li jidher li ilhom daqsxejn flimkien, iżda bħal donnu bdew joħorġu flimkien ftit tax-xhur qabel, meta l-imħabba tkun għadha qiegħda tinbet.

Dan huwa suġġett differenti ħafna minn tas-soltu għal Kapitlu Tlettax, iżda xorta waħda jitratta tema reali, u attwali. Infatti, Lilek Biss, li ġiet imnedija proprju nhar il-Ġimgħa, titkellem dwar relazzjoni ta' mħabba.  Joseph jgħidilha, "lilek biss inħobb ... kun af lilek biss irrid", filwaqt li jirrakkonta l-ġrajja twila, ġrajja li wasslet ukoll għal bini ta’ familja ċkejkna, mogħnija bl-imħabba.

Kapitlu Tlettax ma tantx jikkonformaw mar-regoli tal-ippubblikar ta’ kanzunetti, tant li mhux l-ewwel darba li jħabbru fuq il-midja soċjali li fil-jiem li ġejjin ser ikunu qegħdin ivaraw materjal ġdid, iżda r-raġuni wara dan hu li minn wara l-kwinti, ma jieqfu qatt, ikomplu jaħdmu sakemm fl-aħħar jieħdu pawsa mill-kreattività biex jaqsmu xogħlhom mas-segwaċi tagħhom. Kien proprju l-ġimgħa l-oħra li tħabbar dan il-proġett, li Joseph Mario Calleja jirreferi għalih bħala, "wieħed speċjali, għaliex fl-aħħar stajt naqsam parti oħra minn ħajti."

Lilek Biss hija l-ewwel rilaxx tas-sena 2024 u żgur mhux tal-aħħar, wara li fis-sena 2023 ippubblikaw xejn anqas minn sitt kanzunetti: Tibkix, kollaborazzjoni ma’ Aleera de Lune, Patrick Gaffiero, Krista Bajada kif ukoll Maria Cini; Wiċċ B’Ieħor, kollaborazzjoni ma’ Julie Pomorski li waslet mal-20 semifinalist ta’ Mużika Mużika 2023; Żerriegħa ta’ Mħabba, proġett ddedikat lil Madonna tad-Duttrina f’Ħal Tarxien, Kreattività tal-Pastizzi, kollaborazzjoni ma’ Grecia Bezzina li kienet finalista fl-Għanja tal-Poplu; Nibqa’ Nammirak flimkien ma’ Ayce u Nittama Fikom, kollaborazzjoni ma’ Liston.

Lilek Biss, tistgħu tisimgħuha fuq il-pjattaformi Facebook u YouTube għandha produzzjoni ta’ Cyprian Cassar minn Somnio Recording Studios, bi promozzjoni u sapport t’Ironic PR & Artist Management.

Facebook / Kapitlu Tlettax
Emil Calleja Bayliss
Stejjer popolari
“Hawn 87% Li Jfiqu, Jiena Sfortunatament Fost Dawk It-13% Li Ma Nfiqx” – Tiġi Nieqsa L-Attivista Clare Busuttil Li Kella Kanċer Tas-Sider

“Hawn 87% Li Jfiqu, Jiena Sfortunatament Fost Dawk It-13% Li Ma Nfiqx” – Tiġi Nieqsa L-Attivista Clare Busuttil Li Kella Kanċer Tas-Sider
“Il-Knisja Tagħna Xegħlet Bl-Ammont Ta’ Nies Li Ressaq Il-Kapillan.” – Maria Luana Dwar Dun Marc Andre Camilleri, Il-Kapillan Ta’ Raħal Ġdid

“Il-Knisja Tagħna Xegħlet Bl-Ammont Ta’ Nies Li Ressaq Il-Kapillan.” – Maria Luana Dwar Dun Marc Andre Camilleri, Il-Kapillan Ta’ Raħal Ġdid
“Magħmul Bi Ftit Xjenza U Ħafna Mħabba U Fidi.” – Il-Kantanta Graziana Axisa U Żewġha Andrea Jsiru Ġenituri Taċ-Ċkejken Giuseppe

“Magħmul Bi Ftit Xjenza U Ħafna Mħabba U Fidi.” – Il-Kantanta Graziana Axisa U Żewġha Andrea Jsiru Ġenituri Taċ-Ċkejken Giuseppe
“Intennu Il-Fiduċja Tagħna Fid-Deċiżjonijiet Li L-Kappillan Jieħu Għall-Ġid Tal-Bażilika U Tal-Parroċċa” - Is-Soċjetà Filarmonika F'Raħal Ġdid

“Intennu Il-Fiduċja Tagħna Fid-Deċiżjonijiet Li L-Kappillan Jieħu Għall-Ġid Tal-Bażilika U Tal-Parroċċa” - Is-Soċjetà Filarmonika F'Raħal Ġdid