Marvic Monreal għadha kemm ħabbret li kisbet irwol eċċellenti f’opera prestiġjuża Franċiża. Id-direttur huwa Ralph Fiennes, attur Ingliż rinomat ferm. Marvic se tkun qed tirreċta ta’ Olga fl-opera Eugene Onegin ta’ Tchaikovsky, ibbażata fuq ir-rumanz ta’ Alexander Pushkin.
Fuq il-paġna tagħha Marvic kitbet, “Se nkun qed insejjaħ Pariġi d-dar tiegħi minn Ottubru sa Frar, se nerġa’ nkun Olga fil-produzzjoni l-ġdida ta’ Eugene Onegin taħt id-direzzjoni tal-inkredibbli Ralph Fiennes!”
Se tkun ukoll qed tieħu sehem fi rwol ieħor ta’ Wagner fis-sena 2026 – Die Walkure, Grimgerde f’Novembru.
Hi kitbet ukoll kemm hi grata b’kull mument ta’ din il-ħolma li saret realtà.
Nawgurawlha mill-qalb!
Instagram / @marvicmonreal
