Kevin Borg, se jkun il-mistieden li jmiss fuq Kellymni, episodju li joħroġ fuq il-mezzi soċjali tagħna għada. Kevin, karattru maħbub ferm minn diversi nies, se jkun qed ipoġġi ma' Melanie u jaqsam uħud mill-aktar esperjenzi li jibqa' jġorr miegħu tul ħajtu.
Kevin jitkellem fil-profond dwar ommu, x'kienet tfisser għalih u x'fissret it-telfa tagħha għalih u għall-familja tiegħu wkoll inkluż missieru. Kevin jagħmel appell imqanqal minn qalbu biex dak li jkun japprezza l-ġenituri tiegħu.
Barra minn hekk, jirrakkonta diversi dettalji dwar l-esperjenza tiegħu fil-qasam mużikali u s-suċċessi kollha li kellu tul is-snin kemm bħala kantant u anke bħala kompożitur u produttur fil-qasam mużikali.
F'dan il-podcast ħa nsiru nafu lil Kevin minn lenti pjuttost differenti minn tas-soltu, nafuh bħala daħkan iżda se jkollna ċ-ċans li naraw in-naħa sensittiva tiegħu ukoll. Ingħaqdu magħna biex isegwu l-episodju li jmiss ta' Kellymni - Il-Podcast ta' Gwida.mt bi preżentazzjoni ta' Melanie Kelly, għada it-Tnejn 14 ta' Ottubru, mit-20:00 'l quddiem.