Ashley Peschel jaqsam żewġ filmati kompletament differenti minn xulxin ta' żewġ sitwazzjonijiet li diversi Maltin qegħdin jiltaqgħu magħhom meta jiġu biex jikru proprjetà. Filmati li juru l-frustrazzjoni li qed isibu ruħhom fiha diversi nies li jiddeċiedu li jikru.
Hu jippreżenta sitwazzjoni ta' Malti li jċempel biex jikri post iżda l-prezz preżentat huwa ferm iżjed mill-prezz reali, dan għaliex il-prezz li jkun qed jiġi reklamat huwa ta' snin ilu. B'hekk dak li jkun jieħu xokk xħin jiskopri l-prezz il-ġdid u jiddeċiedi li mhux il-post li jgħodd għalih.
Is-sitwazzjoni l-oħra li Ashley jippreżenta hija li wieħed iċempel, jingħata l-prezz iżda ladarba min qed jikri jiskopri li min qed iċempel hu Malti, dan jgħidlu li ma jikrix lin-nies Maltin. Sitwazzjoni li qed twassal għal tħassib fis-suq lokali.
Għidulna, intom ġieli lltqajtu ma' sitwazzjoni bħal din?