Fuq il-profil ta’ Facebook tiegħu, Ben Camille tefa’ filmat li juri kif iqatta’ l-ġurnata ta’ kuljum ma’ Elle, il-“kuċċla pie” tiegħu.
Il-filmat juri bosta partijiet differenti tal-ġurnata, fosthom meta Ben u Elle jilgħabu peekaboo flimkien, meta Elle tkun qed tinħasel jew tiekol, u saħansitra hemm parti fejn qed jippetnaw xagħar xulxin!
Għalija l-iżjed parti ħelwa hi meta jsaqsiha biex tbusu waqt li tkun qed tinħasel u mill-ewwel Elle tersaq ’il quddiem u ttih bewsa.
F’parti oħra tal-filmat, Ben ikun qed jitma’ lil Elle u jsaqsiha “imma qed tbusni għax trid l-ikel jew għax tħobbni?” Fil-pront itiha bewsa, jinfaqa’ jidħaq u jgħidilha “għax tħobbni!"
Ritratt: Facebook/Ben Camille
Xi ħaġa li tidher ħafna fil-filmat huwa l-ferħ kontinwu ta’ Elle u l-fatt li ilħinkollu titbissem. Id-dedikazzjoni ta’ Ben Camille u l-mara tiegħu Kristina bħala ġenituri tidħer ħafna.
Minn hawnhekk nixtieq nawguralhom aktar memorji sbieħ bħal dawn li qed jimlew il-qalb tal-Maltin ukoll!
Facebook/Ben Camille
