L-SPCA ta' Għawdex jaqsmu l-istorja ta' Dennis u Toffee, iż-żewġt iklieb li qed jipprovaw isibulhom dar li toffrilhom l-imħabba li tant jixraqilhom. Huma jiktbu, "Dennis u Toffee saru qrib xulxin ħafna, tant li nixtiequ nsibulhom dar ġdida flimkien, imma għandhom bżonn dar speċjali. Dennis għandu madwar 13-il sena, u Toffee hu l-ewwel kelb li qatt rabba rabta miegħu f’dawn is-6 snin li ilna nafu lil Dennis."
Huma jispjegaw, "Toffee għandu madwar 10 xhur, u għandu riġlejh ta’ quddiem maqtugħa minħabba diversi ksur li ma setgħux jiġu mfejqa. Huma koppja mhux tas-soltu, imma jħobbu jkunu flimkien. L-aħjar ikun li ma jkunx hemm klieb oħra fid-dar, għax Dennis verament ma jħobbx klieb oħra, iżda l-qtates mhumiex problema."
Aqsam din l-istorja ma' xi ħadd li taf ikun interessat!
