Fuq il-grupp ta' Facebook Nostalgia Malta, Jesmond Bonnici tella' ritratt ta' Paceville, qabel ma ż-żona Ġiljaniża saret il-mekka tad-divertiment li hi llum (HAWN).
Bonnici kiteb, "Insew għal mument il-ħaddiema li jidhru f'dan ir-ritratt. Jekk din it-triq f'Paċeville tarawha kemxejn familjari, aktarx għax għaddejtu minnha kemm-il darba."
Spjega, "Fl-1965, l-art fejn inbena l-Axis Discotheque kienet għadha għalqa mdawra bil-ħitan tas-sejjieħ filwaqt li dik il-kantuniera fejn fetaħ Paul's Punch Bowl kienet residenza privata."