Kellymni: Episodju 32 - Brian Farrugia
Brian Farrugia, l-attur li jibqa’ magħruf għall-parti tal-Ispettur Leonard, se jkun il-mistieden ta’ Melanie Kelly. Brian se jirrakkonta diversi esperjenzi minn ħajtu, esperjenzi pożittivi u oħrajn mhux daqstant. Iżda esperjenzi li tgħallem immens minnhom.
54 minuta
Melanie Kelly titkellem ma’ Brian Farrugia, l-attur lokali li beda fid-drama ta’ età pjuttost kbira u ħadem minn wara l-kwinti ħafna aktar minn kemm ħadem fuq il-palk jew quddiem il-kameras.
Brian nafuh bħala l-ispettur Leonard iżda min hu midħla tal-pantomima bil-Malti tista’ tgħid ikun ħerqan biex jarrah f’xi parti jew oħra. Dejjem b’xi mod jew ieħor jispiċċa b’xi karattru kulurit u b’personalità kbira.
Hu jitkellem dwar it-tqala ta’ martu u kif hu spiċċa jħoss ċerti sintomi partikolari, jitkellem dwar l-inċident li kellu bil-mutur, jitkellem dwar il-qlajjiet u l-esperjenzi tiegħu tul is-snin.
Ma kellux ħajja faċli xejn iżda dejjem għaraf iħares ’il quddiem u jibqa’ għaddej. Minkejja l-isfidi li tippreżentalna, wieħed għandu jħares lejn il-ħajja minn lenti pożittiva – ikun xi jkun għaddej.
Waqt il-podcast se tiskopru dan u aktar. Segwu Kellymni ħalli ssiru tafu aħjar lill-attur Brian Farrugia.