Malta Rangers Unit ħabbru li sabu kamaleonti letarġiku u xerrdu anke diversi fatti ta' dak li għandek tagħmel u ma tagħmilx f'każ li ssibu din il-kreatura. Il-profil juri dak li għamel it-tim wara din is-sejba.
"L-ewwel assiguraw li l-annimal li jidher ma jiflaħx ma jaħrabx, billi jerfgħuh bil-mod lebsin l-ingwanti kirurġiċi. Dan mhux biss għalina l-bnedmin biex ma niġux infettati bl-ebda mikrobu, iżda wkoll biex l-annimal ma jiġix infettatt minna lanqas"
It-tim ikompli, "Tagħtihx ilma jew ikel! Ir-Rangers sejħu lil Wildlife Rescue Team Malta fuq 9999 9505 bħala l-ewwel pass u dawn qalulhom biex jistennew hemm u voluntier minn tagħhom jiġi biex jiġbru."
"Waqt li stennewh, il-kameleon tpoġġa fuq drapp ġo kaxxa biex ma jiġix imfixkel."
Malta Rangers Unit jirringrazzjaw lil Claudia li wieġbet malajr, u jiktbu Grazzi kbira tax-xogħol li sar mit-tim tagħhom biex jirrijabilitaw il-ħajja tal-baħar lokali, qniefed, friefet il-lejl, rettili u żrinġijiet mweġġa'.
Ara l-filmat hawn taħt:
