Wara żewġ staġuni mill-aqwa, il-preżentatriċi ta’ Love Island Malta, Yazmin, se tkun qed tieqaf mir-rwol tagħha f'dan il-programm.
Yazmin kienet parti integrali mill-programm, tiggwida lill-Islanders waqt il-vjaġġ tagħhom ta’ mħabba u ħbiberija. Il-preżenza tagħha, l-umoriżmu, u l-abilità tagħha li tirrelata mal-parteċipanti u wkoll ma' min qed isegwi għamluha figura maħbuba fost l-udjenza.
Filwaqt li Yazmin se tkun qed timxi lejn avventuri ġodda, hija esprimiet il-gratitudni tagħha għal din l-opportunità u xtaqet li l-programm ikompli jikseb aktar suċċess fil-futur.
Media Exclusive Ltd. u t-tim ta’ Love Island Malta jirringrazzjaw lil Yazmin għall-kontribuzzjonijiet tagħha u jixtiqulha kull suċċess fil-proġetti futuri tagħha.
Instagram / Yazmin_Zoe
