Mhux xi ħaġa li tiġri kuljum li tkun fuq vaganza u tara lil xi ħadd famuż u kważi taħbat fih. Bħalissa l-kantanta Davinia tinsab fuq btala ma’ oħtha Natasha ġewwa Capri, fl-Italja. Dawk li jsegwu lil Davinia jafu li l-btala kienet kważi spiċċat fi tmiem, imma ddeċidiet li testendi bi ftit ġranet.
Jidher li grazzi għal din id-deċiżjoni spiċċat biex rat lil Kris Jenner, omm Kim, Khloe, Kourtney u Robert Kardashian. Kisbet popolarità mis-serje televiżiva Keeping Up With The Kardashians. Milli jidher, Kris Jenner u Davinia jinsabu t-tnejn fuq btala fl-istess post! Wieħed jista' jara dan fl-instagram stories tal-kantanta!
Ritratt: Instagram / Davinia
L-avventuri ta’ din il-btala ta’ Davinia jkomplu jiżdiedu... diġà hi u oħta spiċċaw fuq l-ajruplan jistennew għal tul ta’ ħin minħabba li passiġier ta’ xi daqqa ta’ ponn lil wieħed mill-kru tal-ajruplan fuq argument banali.
Minn hawn nixtiequ lil Davinia u lil oħtha, il-kumplament tal-vaganza t-tajba. Forsi ma tafx kif... taħbat ġo xi ħadd ieħor ta’ fama internazzjonali!
Instagram / Davinia