Il-kantant magħruf immens mal-gżejjer Maltin AIDAN, kien mistieden biex ikanta fl-għeluq ta’ Special Olympics Malta u kiteb messaġġ qasir fuq il-midja soċjali tiegħu biex jesprimi kemm kienet esperjenza sabiħa u li ser tibqa’ mnaqqxa f’qalbu.
Hu kiteb, “Ilbieraħ kelli l-opportunita’ li nkun mistieden fl-għeluq ta’ Special Olympics Malta u ltqajt ma’ aktar minn 400 atleta.”
Hu kompla jiftaħ qalbu, “Naħseb din kienet waħda mill-isbaħ esperjenzi li qatt kelli s’issa! Grazzi minn qalbi. Nawgura lill-atleti kollha!”
U qasam bosta ritratti fuq il-midja soċjali mdawwar bl-atleti ta’ Special Olympics Malta. Fir-ritratti l-atleti jidhru kollha jiżfnu miegħu bi tbissima fuq fommhom. Verament tidher li kienet opportunita’ sabiħa. Żgur li mhux se tintesa malajr din il-ġurnata speċjali!
Facebook / AIDAN
