Illejla ser isseħħ kompetizzjoni tant mistennija, dik tal-Junior Eurovision Song Contest fejn Malta se tiġi rrapreżentata miċ-ċkejken Ramires Sciberras. Kontu tafu li minn issa, qabel tintwera l-kompetizzjoni llejla, tistgħu tivvutaw?
Il-paġna 'Eurovision Song Malta' ippublikat link li tieħdok fejn tista' tivvota għall-kanzunetta ta' Malta kif ukoll żewġ pajjiżi oħra li tixtieq int. Qabel tagħmel dan, il-paġna ssaqsik biex tara filmat qasir ta' biċċa żgħira minn kull diska biex inti tiftakar eżatt liem kienu dawk li vvutajt u tkun tista' tagħfas l-għażla li tixtieq int.
'Eurovision Song Malta' wkoll ippubblikat filmat tal-parteċipanti tal-Malta Junior Eurovision Song Contest 2024 kollha jifirħu lil Ramires biex jagħmlulu kuraġġ u juruh li qegħdin warajh f'dan iż-żmien tant eċċitanti.
Ejjew aħna wkoll nuru l-appoġġ tagħna billi nivvutaw lil Malta. Awguri u prosit kbira lil Ramires, bla dubju ser tagħmilna kburin immens bik!
Facebook / Eurovision Song Malta
