Malta Public Transport qed tħabbar promozzjoni speċjali għall-istudenti kollha full-time. Matul ix-xahar t’Ottubru 2024, l-istudenti ser ikunu jistgħu japplikaw għal Student Tallinja Card mingħajr ma jħallsu l-miżata tal-applikazzjoni ta’ €25.
Biex jibbenefikaw minn din l-offerta, l-istudenti jridu japplikaw online permezz tal-websajt ta’ Malta Public Transport matul il-perjodu ta’ promozzjoni li jintemm fil-31 t’Ottubru 2024. Filwaqt li l-miżata tal-applikazzjoni qed titneħħa, xorta tapplika tariffa tal-posta ta’ €3.85. Studenti li għandhom 17-il sena 'l fuq huma meħtieġa jipprovdu prova li huma studenti meta japplikaw. L-offerta hi disponibbli onlajn biss.
Għal aktar tagħrif dwar din l-offerta speċjali, fosthom it-termini u l-kundizzjonijiet, l-applikanti prospettivi huma mħeġġa jżuru s-sit: publictransport.com.mt.