L-idea għall-Premjijiet Tokis ġiet mix-xewqa ta' GO li jirrikonoxxu u jiċċelebraw it-talent lokali. Huma riedu joħolqu pjattaforma fejn l-apprezzament għal dan it-talent jiġi direttament mill-udjenza. B'iktar minn 15,000 vot, huwa ċar li t-telespettaturi kienu eċċitati biex jipparteċipaw u juru l-appoġġ tagħhom lill-produzzjonijiet favoriti tagħhom.
Ir-rebbieħa ta' Tokis - Lejla Ta' Premjazzjoni 2024:
- L-Aqwa Attur - Fabian Scerri De Carlo
- L-Aqwa Attrici - Lara Azzopardi
- Talent Lokali Emergenti - Jeanelle Spiteri
- L-Aqwa Direttur - Jason Zerafa
- L-Aqwa Sigla - Noli
- Programm Favorit matul is-Snin - Simpatiċi
- L-Aktar Programm Segwit ta' GO Originals - Noli
- L-Aktar Programm Segwit fuq Tokis – Simpatiċi
L-istazzjon Tokis, li twaqqaf tliet snin ilu, malajr sar wieħed mill-iktar stazzjonijiet televiżivi segwiti f’Malta, li joffri mijiet ta' sigħat ta' kontenut lokali u jilħaq medja ta' 5.2 miljun fix-xahar. Is-serata tal-Premjijiet Tokis kienet il-mod ta' GO kif jiċċelebraw it-talent inkredibbli li qed ikun segwit minn tant u tant telespettatur, u huwa avveniment li ġie magħmul kompletament mill-impjegati ddedikati ta’ GO.
GO jisħqu li mhux se jkun l-aħħar darba li jiċċelebraw it-talent lokali u qed jippjanaw li jkomplu jkabbru s-serata tal-premjijiet Tokis fis-snin li ġejjin, u jixtiequ li jsaħħu l-konnessjoni bejn l-udjenza tagħhom u l-artisti tal-għaġeb li juru. L-investiment li qed jagħmlu huwa kbir u żgur li l-udjenzi ta' Tokis qed japprezzaw dan l-investiment.
Wieħed jista' jsegwi l-paġna ta' GO TV Recommendations biex iżomm ruħu aġġornat bl-aħħar informazzjoni.
