Fabian Demicoli reġa’ għex lejl emozzjonanti meta kien mistieden mill-iskola tiegħu tal-passat, De La Salle College Malta, biex jagħti l-premjijiet waqt iċ-ċelebrazzjoni tal-premjijiet ta’ din is-sena. Huwa qasam kif, wara 20 sena, reġa’ sab ruħu quddiem għalliema li kienu parti mill-vjaġġ tiegħu, u dan ġab lura memorji sbieħ.
Fabian irrakkonta kif minkejja li ma kienx student eċċellenti, l-għalliema tiegħu dejjem emmnu fih u ħeġġuh biex ma jaqtax qalbu. “Fil-fatt, kellhom raġun,” stqarr Demicoli. Huwa bagħat messaġġ qawwi lill-istudenti: igawdu l-esperjenzi tagħhom, jirrispettaw lill-għalliema, u jħarsu lejn il-ħbiberiji li qed jibnu llum.
“De La Salle għenitni nsir min jien. Grazzi! Lasaljan kburi,” temm jgħid.
Facebook / Fabian Demicoli
