Permezz ta’ kitba fuq il-paġna tiegħu fuq Facebook, Immanuel Balzan qasam mas-segwaċi tiegħu ritratti ta’ kitba li l-ġenituri ta’ Mirabelle għoġobhom li jiktbulha. Sfortunatament, Mirabelle tilfet ħajjitha f’inċident sfortunat ġewwa Marsaskala.
Hu qal, “Tislima lil Mirabelle minngħand ommha U missierha, kliem li jidħol f’qalbek, kliem li jqanqlek tapprezza l-ħajja U lil dawk ta’ madwarek li tant iħobbuk. Dan inqara waqt quddiesa li saret f’għeluq snin Mirabelle u jien kelli l-privilleġġ li nkanta din il-quddiesa.”
Kompla billi żied jgħid, “Quddiesa li saret fil kappella tal-ħlas, iċċelebrata mill-vigarju l-ġdid Fr Martin (Direttur tad-Dar tal-Providenza ) F'qalbna dejjem Mirabelle.”
