Permezz ta’ kitba fuq il-paġna tagħha fuq Facebook, il-kantanta Għawdxija Francesca Scibberras qasmet kelmtejn iddedikati lin-nannu tagħha li sfortunatament ħalla din id-dinja fil-jiem li għaddew.
Hi qalet, “Niftakar it-tbissima fuq wiċċek kull darba li nkanta. Mil-lum 'il quddiem, kull prestazzjoni niddedikaha għalik. Inħobbok nann, sa ma nerġgħu niltaqgħu.”
Permezz ta’ kitba fuq il-paġna tagħhom fuq Facebook, John Bray & Family Funeral Services qalu, “B’sogħba nħabbru l-mewt ta’ Tony Sciberras, fl-eta` ta’ 76 sena. Il-familjari u l-ħbieb huma mistiedna għal quddiesa pràesente cadavere, nhar it-Tnejn 12 ta’ Awwissu 2024, fit-9.00am, fil-Knisja tas-Salib Imqaddes (Kapuċċini), Furjana. Ngħaddu l-kondoljanzi lill-familjari u lill-ħbieb. Strieħ fis-sliem, Tony.”
Mit-tim ta’ Gwida.mt nixtiequ nagħtu l-kondoljanzi tagħna lill-familja kollha f’dawn il-mumenti tant diffiċli. Jistrieh fis-sliem.
