In-numru 112 jintuża meta wieħed jsib ruħu f’diffikultà, jew jara lil xi ħadd fil-bżonn ta’ għajnuna medika, iżda meta tista’ ċċempel, u x’jiġri wara? Il-paġna uffiċċjali tas-‘Saħħa’ avżat lill-pubbliku li għandu jċempel meta;
- Jkun hemm sitwazzjoni fejn persuni jistgħu jitilfu ħajjithom
- Xi ħadd ikun qiegħed jifga
- Xi ħadd jaqa’ u ma jkunx qed jieħu nifs
- Jekk tmexxi l-pazjent tweġġgħu iktar jew tweġġa’ int
- Ma tkunx tista’ tmur l-emerġenza minħabba li weġġajt.
Wara li ċċempel, il-ħaddiem/a ssaqsik xi mistoqsijiet biex tkun taf id-dettallji tas-sitwazzjoni. Importanti li min iċempel jibqa’ fuq il-linja. Il-karozza tar-rapid response jaf tasal qabel l-ambulanza, u meta tasal u tittieħed l-isptar it-tobba u l-infermieri jarawk skont il-prijorità.
