Matt BLXCK, il-kantant li fl-aħħar sentejn kiseb suċċess fil-Malta Eurovision Song Contest permezz tal-kanzunetti Up u Banana, ikkonferma waqt il-podcast Bajd u Bejken li din is-sena mhux se jkun qed jissotometti kanzunetta għal dan il-festival.
Matt fl-2023 spiċċa fit-tielet post permezz tal-kanzunetta Up wara li rebaħ il-vot tal-ġurija, filwaqt li kmieni din is-sena spiċċa fit-tieni post bil-kanzunetta Banana u rnexxielu jirbaħ il-vot tal-pubbliku. Sentejn fuq xulxin li kien verament viċin iżda ma rnexxielux jasal għall-festival internazzjonali.
Minkejja dan il-kantant ġibed diversi ammiraturi, kemm dawk lokali u anke internazzjonali u ħafna jixtiequ li jarawh fuq dak il-palk grandjuż. Sadanitant, nibqgħu nistennew aktar mużika mingħandu b'kollaborazzjonijiet interessanti ferm.
Nawgurawlek għal dak kollu li għandek pjanat Matt!
Facebook / Matt BLXCK