Il-kantant lokali Kevin Borg u l-maħbuba tiegħu qed jgħoddu l-ġranet sabiex jagħtu kelma lil xulxin u jaqsmu ħajjithom flimkien. Kif tafu qabel il-ġurnata tat-tieġ l-għarajjes ikollhom ċans jiċċelebraw ma' qraba u sħabhom.
Lil Kevin organizzawlu ċelebrazzjoni tal-Bachelors b'sorpriża! "Ma nafx minn fejn ser nibda! Illum kellha tkun ġurnata normali u spiċċat kienet iċ-ċelebrazzjoni tiegħi tal-Bachelors."
Kevin qatta' ħin sabiħ ma' sħabu u dawk viċin tiegħu, fosthom il-bestman u kuġinuh, u ta' dan irringrazzjahom u wera l-apprezzament tiegħu ukoll lejn l-imħabba ta' ħajtu li kienet parti mill-pjan ukoll.
Ngħiduha jekk hawn min jixraqlu li jkollu sorpriża mill-isbaħ bħal din, żgur li Kevin wieħed minnhom, wara li kemm-il darba jkun hu li jagħti sorpriża bil-kant tiegħu waqt xi tieġ jew okkażżjoni speċjali!
Nawguraw futur mill-isbaħ mimli mħabba u dak kollu li tixtieq qalbhom lil Kevin u Maria Francesca!
