L-attur ta’ fama mondjali Leonardo DiCaprio intlemaħ fuq yacht reġistrat Malta, waqt li qiegħed vaganza fl-Italja flimkien ma’ Vittoria Ceretti ta’ 26 sena.
Ir-ritratti, maqsuma fuq il-midja soċjali mill-paġna ta' Instagram lockedincinema, juru lill-attur u lill-mudella Taljana jgawdu x-xemx. Fl-isfond tidher il-bandiera Maltija fuq il-yacht.
Skont is-sit ‘People’, il-koppja ntlemħu waqt li kienu ħerġin biex jinżlu jgħumu l-baħar wara li bdew il-vjaġġ tagħhom nhar il-Ħamis 1 ta’ Awwissu ‘l barra mill-kosta ta’ Sardinja.
Żgur li ħafna jixtiequh li jiġbed lejn Malta xi ħin jew ieħor lil Leonardo!