Mistiedna llejla waqt 'BundyTime' sa jkun hemm tlett kantanti li huma stabbiliti sew fix-xena lokali. Dan hekk kif sa nkunu qiegħdin naraw lil Kurt Calleja, Janvil kif ukoll Pamela Bezzina.
Kurt Calleja kien stabilixxa ruħu l-aktar lokalment permezz tas-sehem tiegħu fl-edizzjoni tal-2012 tal-Eurovision Song Contest bil-kanzunetta 'This Is The Night'. Huwa ssokta jiskeb aktar suċċess meta rebaħ l-ewwel edizzjoni ta' 'Mużika Mużika' bil-kanzunetta 'Bla Tarf'.
Janvil huwa magħruf sew hekk kif kemm-il darba rajnih jipparteċipa f'kuntesti mużikali bħal 'Mużika Mużika' kif ukoll il-'Malta Eurovision Song Contest'. Bħalissa qiegħed ukoll jippreżenta flimkien ma' Pawla u Tiziana l-programm 'Ċempel u Irbaħ' fuq l-istazzjon ONE.
Pamela Bezzina hija magħrufa sew lokalment bħala kantawtriċi għad-diversi xogħolijiet tagħha.
Intom sa ssegwu llejla?