Il-virus tal-Covid-19 donnu ser jibqa’ jsib forom ġodda kif jitrasmetti ruħu. Skont esperti mediċi fl-Ingilterra, il-varjant il-ġdid li qed jiġi msejjaħ id-‘Delta Plus’ jinfirex iktar faċli minn dak tad-Delta.
Madankollu, s’issa m’hawn l-ebda evidenza li dan il-varjant jikkawża sintomi iktar gravi minn oħrajn. Jidher illi t-tipi differenti ta’ vaċċin li jeżistu b’mod preżenti għandhom ikunu b’saħħithom biżżejjed biex jipproteġu l-poplu mill-imxija ta’ dan il-varjant.
Ir-rata tat-tixrid tad-‘Delta Plus’ fl-Ingilterra hija ikbar minn ta’ dak ta’ qablu u jidher li għalkemm għadha fil-bidu tagħha, 6% tal-każi fl-Ingilterra huma ta’ dan il-varjant.
Meta ser nieqfu nisimgħu b’dawn il-varjanti ġodda?