Janvil se jkune qed jirritorna bl-irwol ta' preżentatur mill-iskeda li jmiss. Nafuh bħala kantant, ġieli rajnieh bħala attur, u ħalla impatt tajjeb ħafna bħala preżentatur, mhux darba.
Mhux bogħod wisq hu preżenta diversi staġuni tal-programm mużikali The Entertainers, fejn apparti li ta spazju lit-talent lokali, kien ta' kumpanija mill-isbaħ għat-telespettaturi. Janvil kien preżenta l-Malta Song For Europe lura fl-2007 flimkien ma' Stephanie Spiteri, fejn kienet rebħet Olivia Lewis b'Vertigo.
Din id-darba Janvil se jkun qed jippreżenta l-programm fuq ONE. Fil-passat Janvil kien preżenta l-programm Happy Days fuq dan l-istess stazzjon.
L-iskeda tal-Ħarifa ta’ ONE ser tkun qed tibda nhar it-Tnejn 30 ta’ Settembru, fejn sa dakinhar inkunu nafu aħjar liema programm ħa jkun f'idejn Janvil. Nawgurawlek għażiż!
