Għal min ma jafx min huma The Travel Couple, huma koppja li telqu kollox u qattgħu disa’ xhur sħaħ iduru l-Asja. Bħalissa jinsabu lura Malta. Iżda xorta għadna naraw diversi ritratti mill-isbaħ fuq il-midja soċjali tagħhom. X’inhuma jagħmlu mela?
Minkejja li jħobbu ħafna s-safar, jistqarru li Malta għandha post speċjali f’qalbhom. Din il-koppja ħelwa ddeċidiet li tibda ddur xi postijiet sbieħ li għandna f’Malta. Dawn li ġejjin huma wħud mill-postijiet meraviljużi li żaru! Huma postijiet perfetti biex tieħu xi ritratt jew tnejn!
1. Tas-Sliema
Veduta mill-isbaħ. Tħares lejn il-baħar u faċċata tara l-Belt Valletta!
2. Il-Belt Kapitali
Xelta vasta ta’ x’tista’ tara f’dan il-post! Minn postijiet storiċi sa veduti li ma tpinġihomx!
3. Popeye Village
Żaru wkoll il-vilaġġ fejn inħadem il-film Popeye fl-1980! Xi ġmiel hux!
4. Il-Mellieħa
Xejn mhu isbaħ milli tagħmel passejn fl-arja pura u l-kwiet tal-kampanja!
5. Buġibba
Mixja fuq il-front, waqt li tħares lejn il-baħar u d-dgħajjes.
6. Kemmuna
F’Malta għandna ħafna bajjiet sbieħ, iżda l-baħar ċar li hemm Kemmuna sabiħ wisq!
BONUS: Żaru wkoll id-Dolmen u L-Menħir!
Kemm hija xi ħaġa sabiħa li tapprezza l-ġmiel ta’ pajjiżek! Għalkemm Malta hija gżira ċkejkna, toffri ħafna veduti spettakolari u postijiet storiċi li jmorru lura lejn żmien il-Preistorja!
Instagram / @travel.love.couple
