Il-perjodu tal-Milied f’Malta jieħu l-ħajja permezz ta’ tradizzjonijiet li ilhom magħna ż-żmien, u li jgħaqddu flimkien familji, ħbieb, u komunitajiet varjti. Ftit huma d-delizzji li jirrappreżentaw dan iż-żmien tas-sena daqs iz-zokk tal-Milied Malti, li tista' tgħid sab post fil-qlub tal-Maltin jibqa' popolari.
Din id-deżerta rikka u rresistibbli saret waħda mill-aktar popolari f’kull dar, b’ħafna familji jinġabru flimkien biex jagħmlu z-zokk, tradizzjoni għażiża li tgħaddi minn ġenerazzjoni għall-oħra.
Oriġinarjament iz-zokk tal-Milied Malti ġie ispirat mit-tradizzjoni Ewropea tal-Yule log, iz-zokk tal-Milied Malti żviluppa biex jinkorpora togħma lokali unika. B’differenza mill-cake roll bil-pasti li nsibu f’pajjiżi oħra, il-verżjoni Maltija hija deżerta mingħajr mhi moħmija fil-forn, magħmula bil-gallettini mitħuna, ħalib magħqud, ċikkulata, frott niexef, u lewż.
Ħafna familji għandhom il-varjazzjoni tagħhom, kull wieħed iżid xi ħaġa speċjali bħal xorb jew ħwawar, biex kull zokk ikollu togħma ftit differenti. Din id-diversità tirrifletti s-sens ta’ kreattività u l-għaqda tal-familja li l-Maltin iħaddnu matul l-istaġun tal-Milied.
Aħna ħsibna li naqsmu magħkom riċetta bażika biex tagħmlu z-zokk tal-Milied tagħkom, u jekk forsi ma għandkomx it-tradizzjoni fil-familja tagħkom. Inrawmukom fiha wkoll. Iz-zokk tal-Milied Malti bil-gallettini tad-Devon Morning Coffee.
Sabiex tagħti twist uniku z-zokk tal-Milied Malti tiegħek, ipprova din ir-riċetta bil-gallettini Devon Morning Coffee. It-togħma ħelwa ħafifa u konsistenza delikata tagħhom jagħmluhom ideali biex jorbtu mal-ingredjenti rikki l-oħra. Din ir-riċetta hija perfetta biex taqsamha ma’ dawk li tħobb matul il-festi.
Ingredjenti:
- 350g Gallettini Devon Morning Coffee - mitħuna
- 250g frott niexef imħallat (sultana, żbib, qoxra kandita)
- 150g lewż imqatta'
- Bott (397g) ħalib magħqud
- Kuċċarina kannella mitħuna
- Kuċċarina qronfol mitħun
- 150 gramm ċikkulata sewda, imdewba
- Shot xorb tal-għażla tiegħek bħal Amaretto jew whisky.
Istruzzjonijiet:
F’bowl kbira, ħawwad il-gallettini mitħuna, il-frott niexef, il-lewż, il-kannella, u l-qronfol. Żid il-ħalib magħqud u x-xorb, u ħawwad sew sakemm l-ingredjenti jkunu mħalltin sew. Agħmel il-forma ta’ zokk u geżwer f'karta strazza. Poġġi z-zokk tal-Milied fil-friġġ għal mill-inqas sagħtejn jew lejl sħiħ.
Ladarba jsir sod, għattih biċ-ċikkulata mdewba u ħallih jerġa' jerġa' jiksaħ fil-friġġ. Wara ma jkun fadal xejn ħlief li taqta' u sservih ma’ xarba sħuna, bħal tè jew l-inbid sħun marbut ma' dawn il-festi.
Din ir-riċetta sempliċi iżda mimlija togħmiet mill-aqwa hija mod sabiħ biex toħloq memorji ħelwin ma’ dawk li tħobb u tgħożż. Involvi lil kulħadd fit-tħejjija, taz-zokk tal-Milied Malti li jsir aktar minn sempliċiment deżerta - dan isir simbolu tal-għaqda u l-ferħ tal-festi.
Jalla dan l-istaġun iġib miegħu l-ferħ u l-kuntentizza li jimla l-qlub tal-Maltin u Għawdxin.
Facebook / Frankie