Kmieni dalgħodu, fuq il-paġna ta' TVM ġie mħabbar li mit-Tnejn sal-Ġimgħa fuq TVM mis-6:30 sad-9:00, se jkun qed jixxandar TVAM li din is-sena se jkun preżentat minn Dorianne Mamo, li żżomm kumpanija lit-telespettatur b'diversi mistiednin li se jkunu qed jiddiskutu numru ta' suġġetti relevanti.
Dorianne tista' tgħid li mdorrija tqum kmieni għar-radju iżda mill-iskeda li ġejja se tkun qed tibda avventura ġdida, hekk kif se tkun qiegħda tqum biex tibda l-ġurnata mat-telespettaturi ta' TVM. Il-preparamenti għaddejjin ġmielhom għall-iskeda l-ġdida u kulħadd ħerqan sabiex jibdew il-programm.
F'isem it-tim ta' Gwida, nawguraw lil Dorianne l-isbaħ xewqat għal din l-avventura, ninsabu ċerti li se jkollha esperjenza pożittiva u t-telespettaturi ħa jilqgħuha bi ħġarhom ġewwa djarhom.
Facebook / Dorianne Mamo
