Wara 22 sena ta’ suċċessi mill-ewwel rappreżentazzjoni tal-Pantomima tal-Milied bil-Malti fl-Istitut Kattoliku f'Diċembru tas-sena 2000, il-kumpanija Teatru Rjal ħasset li kellha tagħmel il-pass li jmiss... li għall-ewwel darba l-Pantomima se toħroġ mit-teatru tal-Istitut Kattoliku u se tkun qed issir fit-teatru prestiġjuż ta’ Dar il-Mediterran, fil-Belt Valletta, li ukoll, dan it-Teatru maestuż se jkun qed jospita fih għall-ewwel darba spettaklu teatrali fil-ġeneru tal-Pantomima tal-Milied.
Qed jittellgħu diversi rappreżentazzjonijiet tal-Pantomima bil-Malti Sleeping Beauty... il-Ħamis 26 ta’ Diċembru fis-14.30 u 19.30, il-Ġimgħa 27 fis-19.30, il-Ħadd 29 fl-16.00, it-Tnejn 30 fis-19.30 u għall-ewwel darba fl-aħħar tas-sena, it-Tlieta 31 ta’ Diċembru 2024 fis-19.00, bil-parti prinċipali, dik tad-dama, għas-seba' sena tkun f’idejn l-attur bravu Rodney Gauci, isem li llum stabbilixxa ruħu ferm mal-udjenza tat-teatru, partikolarment dawk tal-pantomima tal-kumpanija Teatru Rjal.
Flimkien ma' Rodney, jieħdu sehem ukoll kantanti u atturi magħrufa bħal Clara Sciberras, Gorg Micallef, Brian Farrugia, Mariah, Lee-N, Petra, Rebecca Bilocca, Leah Mifsud, Jacob Piccinino, Matteo Camilleri Testa, Luca Borg Pardo, Moses Galea u Beppe Calleja Tonna b'direzzjoni ta’ Bryan Muscat.
Il-Kinetic Dance Academy għal 10 sena konsekuttiva ser jerġgħu ikunu protagonisti f’din il-Pantomima. Il-mużika live ser terġa' tkun taħt id-direzzjoni tas-surmast Conrad Briffa kif ukoll il-kostumi ġodda jerġgħu jiġu fdati f’idejn Loui Noir.
Importanti ukoll fi produzzjonijiet ta’ dan il-livell, huwa it-tim tal-makeup immexxi minn Verena Portelli u t-team tagħha u dak ta’ li stage u Props immexxija minn Joe Callus u t-tim tiegħu kif ukoll numru kbir ta’ persuni oħra li għalkemm ma jidhrux – mingħajrhom ma jsir xejn.
Il-kumpanija Teatru Rjal qed tħabbar ukoll li din l-istess pantomima, bl-istess xenarju, l-istess atturi u l-istess kostumi, se tkun qed tittella’ wkoll f’dati differenti fit-teatru rinnovat tal-Oratorju Don Bosco fir-Rabat Għawdex, is-Sibt 4 ta’ Jannar 2025 fis-19.30 u l-Ħadd 5 ta’ Jannar 2025 fil-17.30. Il-booking għal dawn ir-rappreżentazzjonijiet kollha huwa miftuħ mill-website ktrmalta.com jew permezz tal-mobile 9947 6468 / 9999 4987.
Tħallux għall-aħħar… Sleeping Beauty - anke jekk forsi taħsbu li tkun rieqda, xorta se tkun qed tistenniekom.
Eh bilħaq din is-sena għandhom spettaklu speċjali! Huma qed jistiednu lil kulħadd sabiex jingħaqad magħhom għaċ-ċelebrazzjoni tal-ewwel tas-sena! Din is-sena l-Kumpanija Teatru Rjal qed tistedinkom għal serata tal-aħħar tas-sena flimkien mal-Pantomima Maltija 'Is-Sleeping Beauty'.
Il-mistednin ser ikunu qed igawdu minn programm eċċezzjonali li jibda minn qabel il-pantomima u jitkompla sas-siegħa ta' filgħodu. Aqtgħu l-biljetti llum għal lejl mimli divertiment, ikel u xorb tax-Xara Catering:
17:30 - 18:30 - Qabel il-Pantomima
- Buffet għat-Tfal
- Prosecco u canapés għall-adulti
19:00 - 22:15 - Il-Pantomima
22:15 - 1:00 - Ċelebrazzjoni Għas-Sena l-Ġdida
- Għat-tfal għandhom mini hot dog, pizza, doughnuts u free-flowing soft drinks, juice u ilma
- Għall-adulti għandhom selezzjoni kbira ta' cold, hot u dessert canapés u open bar.
Agħfas fuq is-sit għal aktar informazzjoni u ixtri l-biljetti minn hawn: ktrmalta.com