Wara li kellna artiklu bl-ismijiet tas-subien, ħsibna sabiex nagħmlu wieħed tal-bniet ukoll. Biex inżommu ftit il-bilanċ bejn is-sessi, kif għandu jkun wara kollox! Ikolli ngħid li l-maġġoranza ta’ dawn l-ismijiet huma verament partikolari.
Ma nixtieqx nuża l-kelma strambi imma iltqajt magħhom dan l-aħħar u kont verament sorpriż. Dawn l-ismijiet kollha ġew reġistrati b’varjazzjonijiet differenti bħala ismijiet li ġew mogħtija lit-trabi dawn l-aħħar snin. Ara jekk hawnx xi isem li smajtuh jew forsi it-tifla jew in-neputija tagħkom jisimha hekk.
- Hexania
- Muska
- Lazar
- Kroenen
- Eyu
- Kyd
- Clayon
- Carrielis
- Kelzen
- Bitania
- Zaleishia
- Saznolee
- Zanishielle
- Zashielle
- Saga
- Dhikshita
- Cerelia
- Roksanda
Nistqarr li lkoll ismijiet oriġinali għall-aħħar imma tfal ħafna minnhom ħa jkollhom kemxejn kedda biex jitgħallmu kif jispellu dawn l-imberkin ismijiet. Sakemm mhux isem qasir bħal Eyu jew Kyd. Interessanti minn fejn wieħed joħroġ b’dawn l-ismijiet immaġinattivi.
Ikolli ngħid, il-ġenituri ta’ dan l-aħħar għandhom poteri speċjali biex ikunu fil-vera sens tal-kelma LEGENDS! Nistqarr li l-ebda isem qatt m’għadda mill-kurituri ta’ moħħi, naħseb għadni bżonn nara minn fejn ħa nakkwista dal-poter maġiku. Il-bqija dejjem hemm dawk l-ismijiet li nistgħu nsejħulhom komuni.
Hemm ċans li dawn l-ismijiet, illum il-ġurnata msejħa komuni għad jispiċċaw l-ismijiet strambi, rari u li ħadd qatt ma sema' bihom. Anke jekk inħarsu lejn ismijiet Maltin fil-passat, insibu ismijiet li llum il-ġurnata anqas biss noħolmu bihom. Qisna li mexjin 'l hemm.
Instagram / almacendeglobos