Illum huwa l-jum speċjali tal-attur, produttur u direttur Desier Debono, hekk kif qed jiċċelebra għeluq sninu. Desier kien propju l-moħħ wara s-sensiela TA' GERIT li tixxandar kull nhar ta' Tlieta fuq TVM.
Desier ħadem diversi produzzjonijiet fil-passat bħal Libra, Pupazz, Iż-Żagħka, Feliċi u kif semmejna, l-aktar riċenti l-famuż Ta' Gerit. Infatti fuq il-paġna uffiċjali tas-sensiela t-tim ħa ħsieb jiktiblu messaġġ biex jawguralu.
"Illum ġurnata speċjali għalina TA' GERIT, għax Desier jagħlaq sninu. Awguri għażiż," kitbulu fuq il-paġna. Il-filmat li xerrdu b'diversi ritratti ta' Desier, jidher biċ-ċar kemm jaħdem fil-qasam tax-xandir u tal-ispettaklu b'passjoni u dedikazzjoni.
Awguri minn qalbna Desier! Nixtiqulek saħħa, hena, kif ukoll aktar u aktar suċċessi f'ħajtek u tul il-karriera professjonali tiegħek!