Il-programmi televiżivi li jesebixxu t-talent lokali tassew jinżlu għasel mas-segwaċi Maltin. Wara s-suċċess li kisbu l-programmi X Factor, u Malta’s Got Talent, il-kumpanija greatt ftit tal-ġimgħat ilu ħabbret li f’Malta ser jasal il-programm The Voice għat-tfal.
L-istess kumpanija ħabbret li ser jirritorna Malta’s Got Talent għat-tieni staġun. L-applikazzjonijiet huma miftuħin bħalissa għal kull min jixtieq jesibixxi t-talent straordinarju tiegħu. Malta’s Got Talent qiegħed ifittex “L-eċċezzjonali, l-uniku, u l-inkredibbli,” u r-rebbieħ tal-programm wara numru ta’ fażijiet, jirbaħ il-premju sabiħ ta’ €25,000.
Ir-rebbieħa tal-ewwel edizzjoni kienu il-missier u l-iben Jomike u Lydon, li serqu l-qlub tal-Maltin bil-makjetti tradizzjonali b’suġġetti ħelwin u kurrenti miktuba minn Jomike stess. Fit-tieni post ikkwalifika l-grupp taż-żfin The Movement li ntogħġob ferm għall-koordinazzjoni inkredibbli!
Għandek lil xi ħadd f’moħħok li għandu jieħu sehem? Agħmel tag fil-kummenti!