Għaxart’ ijiem ilu, il-paġna tal-programm Sibtek ittantat lis-segwaċi tagħha billi wriet filmat ta’ mara li se tkun il-preżentattriċi l-ġdida ta’ Sibtek, flimkien ma’ Ryan u Josmar, iżda l-wiċċ ta’ din il-preżentattriċi ma kienx intwera.
Il-paġna kitbet, “Preżentattriċi ġdida se tingħaqad ma’ Ryan u Josmar għal skeda totalment differenti minn qatt qabel.”
Fl-aħħar il-misteru ġie solvut hekk kif żvelaw min hi din il-persuna. Huma kitbu, “HAWN HI Sinjuri nagħtu merħba lil Claudia Faniello, il-preżentattriċi l-ġdida ta’ Sibtek li ser tingħaqad ma’ Ryan u Josmar.”
Hi se tidher għall-ewwel darba fuq il-programm is-Sibt 5 ta’ Ottubru f’12:15 fuq TVM u l-paġna tikteb li matul il-programm se jkollna bosta mumenti li ma jintesew qatt.
Aħna ħerqanin immens biex naraw lil din il-preżentattriċi l-ġdida. Se ssegwu intom?
Facecbook / Sibtek
