Ħames kanzunetti li żgur mhux forsi m’għandhom bżonn tal-ebda introduzzjoni. Mal-ewwel noti tagħhom wieħed jkun jista’ jlissen liem kanzunetta hi u probabli ukoll ikanta xi versi magħha. Ir-raġuni wara dan? Faċli ħafna. Il-kanzunetti llum daħlu f’qalb il-poplu Malti u nemmnu li fil-każ ta’ dawn il-ħames kanzunetti, il-fatt li jiddeskrivu xi ħaġa assoċjata ma’ Malta tinżlilna għasel. Forsi kultant imaqdru xi ftit dak li hu tagħna, imma fl-istess ħin ħafna minnha patrijotti mmens.
L-Aħħar Bidwi F’Wied Il-Għasel – New Cuorey
Fil-Pjazza Tar-Raħal – Enzo Guzman
Fit-Tieġ Tan-Neputija – Tony Camilleri
Il-Festa – Mary Rose Malli
Fid-Dar Tan-Nanna – Corazon
X’taħseb minn dawn il-ħames rakkonti? Ħames rakkonti reali li għalkemm erbgħa minnhom ilhom li ħarġu ftit mhux ħażin, nistgħu ngħidu li lkoll nirrelataw magħhom b’xi mod jew ieħor. L-awturi ta’ dawn il-kanzunetti bil-kliem ipinġu xena li jew għexna aħna, inkella intqajna magħha jew forsi smajna dwarha. Dak hu s-sabiħ ta’ pajjiżna li fiċ-ċokon tagħna, l-kultura tagħna anke fil-kanzunetti hija ħajja u vivaċi. Taf b’xi kanzunetta oħra li tħoss li tiddeskrivi dak li hu Malti? Ibgħatilna hawn taħt!
@sunsounds / Instagram