Nhar il-Ħadd li ġej, 7 ta' Lulju bejn id-9 u l-11 ta' filgħodu, il-kappella tal-Lunzjata f'Ħal Millieri se tkun miftuħa għall-pubbliku.
Mill-villaġġ ta' Ħal Millieri, limiti taż-Żurrieq, fadal biss żewġ knejjes. Din hija l-aħjar waħda minnhom.
Il-knisja tal-Lunzjata nbniet fis-seklu 13, iżda l-knisja preżenti tmur lura għall-1480. Fuq ġewwa tista' tara bosta affreski li aktarx saru f'dan iż-żmien u juru numru ta' qaddisin.
Minħabba li l-villaġġ tbattal min-nies, il-kappella sfat abbandunata, u kien biss fis-sebgħinijiet li ġiet restawrata. Arkitettonikament, il-kappella hija medjevali, b'arkati tipiċi u bankijiet tal-ġebel.
Id-dħul biex iżżur din il-kappella huwa b'xejn iżda jkun tajjeb li wieħed jagħti xi donazzjoni ċkejkna sabiex tinżamm din il-kappella.
Facebook / Din l-Art Ħelwa - Public Forum
