Il-Familja Cassar, l-aktar familja popolari f'Malta mid-dramm Simpatiċi, ser tkun qed tingħaqad mill-ġdid għall-programm XOW, nhar il-Ġimgħa, ippreżentat minn Ron Briffa u Jacqui Losco.
Il-familja Cassar, bħalma qatt ma rajtuhom qabel, ser jagħmlu diversi logħob ħelwin u jaqsmu magħna stejjer esklussivi dwar x'ġara wara l-kwinti waqt Simpatiċi.
Barra l-Familja Cassar, se jkun hemm ukoll mistednin speċjali, fosthom il-Kappillan u l-Ispettur Lenard, li jagħtu aktar mumenti ta' ġrajjiet mhux mistennija u divertenti.
Se nkunu qed niżvelaw ukoll riżultati ta' stħarriġ speċjali li għamilna dwar Simpatiċi. Min hu, skont in-nies, l-aktar karattru 'antipatku' tas-sensiela?
Sadanittant, tistgħu tgawdu wkoll l-ewwel xena ta' Simpatiċi li erġajna ħloqnieha mill-ġdid. Din id-darba, Ron jirnexxielu jidħol l-ewwel minflok Joe Cassar! Imma x'jiġri? Ron jispiċċa arrestat!
Kull dettall se jiġi żvelat fil-programm XOW! Segwu XOW, nhar il-Ġimgħa filgħaxija fis-20:45 fuq TVM!