Puttinu Cares jaqsmu dak li għamlet anzjana li ċċelebrat għeluq sninha ma' dawk l-aktar għeżież għaliha, fejn flok aċċettat rigali ddeċidiet li tagħti rigal mill-isbaħ lil Puttinu Cares.
Huma jiktbu, "Happy 90th Birthday lil din il-mara meraviljuża Mavis Bond. Hija ċċelebrat dan it-tragward mal-familja u sħabha u flok rigali tat €1,500 lil Puttinu Cares. Jalla Alla jbierkek għażiża Mavis u prosit tassew għal dan il-ġest nobbli."
F'isem it-tim ta' Gwida, nawgurawlha l-isbaħ xewqat u nittamaw li l-Bambin jagħtiha s-saħħa, il-kuntentizza u l-paċi f'qalbha. Awguri mill-qalb Mavis! Prosit tassew għal dan il-ġest nobbli! Nieħdu gost nisimgħu nies differenti jaħsbu f'Puttinu Cares f'mumenti bħal dawn.
