Ixxerja

Is-Soċjeta’ Filarmonika L-Unjoni ħabbret it-telfa ta’ membru ħabrieki u maħbub minn kulħadd: Reno Spiteri. Reno kien bniedem ċajtier u jgħin f’kull ħaġa; piroteknika, armar u banda… kont issibu dejjem jgħin bil-qalb u bi tbissima. Il-preżenza tiegħu kienet timla kull fejn kien ikun. Fuq kollox, Reno kien raġel u missier ta’ żewġt itfal, Dylan u Anthea.

Fuq il-midja soċjali, is-Soċjeta’ Filarmonika qalet li “L-imħabba tiegħu lejn is-Soċjeta’ tagħna għaddieha wkoll lil uliedu. Grazzi ta’ kollox ħabib tagħna!”

Il-funeral tal-maħbub Reno Spiteri se jsir għada, it-Tlieta 24 ta’ Novembru 2020, fil-Knisja Parrokjali ta’ Ħal Luqa fit-3.00pm. Il-familja tapprezza jekk il-partitarji jilbsu flokk tal-festa li tant kien iħobb Reno.

Aħna minn Gwida.mt nixtiequ ngħaddu l-kondoljanzi tagħna lill-familja, ħbieb u qraba ta’ Reno, kif ukoll lil kull min qed iħoss it-telfa tiegħu. Strieħ fis-Sliem għażiż.

Facebook/Soċjeta’ Filarmonika ‘L-Unjoni’ A.D. 1880

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Spettaklu

Pantomima Li Tgħaqqad Il-Familja – Alice F’Dal-Pajjiż Tal-Meravilji Tieħu L-Ħajja F’Dar Il-Mediterran

Gwida.mt Ilbieraħ

Il-produzzjoni Alice F’Dal-Pajjiż Tal-Meravilji, imtellgħa f’Dar il-Mediterran għall-Konferenzi fil-Belt Valletta, offriet esperjenza pjaċevoli u adattata għall-familja li llum il-ġurnata sabet postha fost l-attivitajiet festivi tal-Milied. Minkejja li kienet produzzjoni li timxi fuq il-format klassiku tal-pantomima, kien hemm diversi elementi li tawha enerġija li ġiet apprezzata mill-udjenza, speċjalment dawk li attendew flimkien mat-tfal.Żieda pożittiva kienet il-parteċipazzjoni […]