Skond diversi siti tat-tbassir tat-temp qalulna li din il-ġimgħa se nistennew ix-xita. Jidher li Settembru se jispiċċa bil-ġranet tax-xita tassew. It-temperaturi mistennija jonqsu wkoll.
Għada t-temperatura se tonqos għal 27 gradi celsius u se jkun ir-riħ b’ħalbiet iżolati tax-xita.
Nhar it-Tlieta, ir-riħ mhux se jibqa’ jolqotna imma xorta mistennija x-xita. It-temperatura se tonqos aktar għal 26 grad celsius.
Nhar l-Erbgħa t-temperatura terġa’ tonqos għal 24 grad celsius. Nhar l-Erbgħa mistennija wkoll ix-xita. Il-Ħamis se jibqa' eżattament l-istess.
Nhar il-Ġimgħa t-temperatura terġa’ tiżdied sa 28 grad celsius. Jidher li m'hemm l-ebda indikazzjoni ta’ xita madankollu. Is-Sibt, l-aħħar jum tax-xahar ta’ Settembru, it-temperatura terġa’ tonqos għal 27 grad celsius u jibqa’ msaħħab.
