Matul id-disa’ episodju tal-programm l-Inspjegabbli li jixxandar fuq TVM+ kull nhar ta’ Tlieta fil-17:15 ser nitkellmu dwar esperjenzi ta’ inkontri mal-erwieħ. L-eżistenza tal-erwieħ huwa suġġett dibatibli u misterjuż.
Diversi postijiet f’pajjiżna bħal ngħidu aħna postijiet storiċi huma magħġunin bi stejjer tal-erwieħ jew il-fatati. Mhux l-ewwel darba smajna bil-Mara l-Bajda, l-White Lady - jew il-Mara l-Kaħla, il-Blue Lady. Umbagħad għandek stejjer ta’ djar antiki u anki kultant djar aktar moderni, li wħud minnhom bħal jibqgħu mgħammra mill-ispirti. Tgħid għaliex?
Minkejja dan xorta waħda għandek dawk li huma xettiċi u li jemmnu li dan kollu ġej minn fatturi ambjentali, psikoloġiċi jew kawża ta’ fenomeni naturali. Il-mistieden magħna fil-panel se jkun l-investigatur Andrew Frendo minn Ghost Squad Malta. Joseph Gaffarena se jkun qed jaqsam magħna esperjenzi personali li għadda minnhom, marbuta mas-suġġett tal-erwieħ.
Il-programm l-Inspjegabbli jkun ripetut il-Ħamis fil-23:15 fuq TVM+, il-Ġimgħa fil-23:00 fuq TVM u l-Ħadd fis-19:15 fuq TVM+. Tistgħu wkoll issegwu programmi li diġa’ xxanddru billi tidħlu f’din il-ħolqa: https://tvmi.mt/series/967
L-Inspjegabbli huwa preżentat minn Kevin Mercieca, li jieħu ħsieb ukoll il-produzzjoni, mgħejjun minn Kurt Pawley u Jonathan Farrugia bi produzzjoni Eżekuttiva ta’ Flash Productions.