Għada jirritorna The Entertainers fuq NET TV fejn fid:21:00 ta' filgħaxija l-band imexxija minn Mark Spiteri Lucas u bi preżentazzjoni ta' Janvil nagħtu bidu għall-finali ta' The Entertainers Singing Challenge. Il-protagonisti tal-programm huma s-sittax-il kantant/a li qed jikkompetu sabiex ikunu r-rebbieħa ta' dan il-programm prestiġġjuż. L-uniku programm li jagħti ċ-ċans lill-kantanti żagħżagħ ikantaw live ma' band!
Il-finalisti ħabbarniehom fuq Gwida.mt ftit tal-jiem ilu, iżda tajjeb infakkrukom ftit min huma. F'kumment li t-tim ta' Gwida.mt ħa mit-tim tal-produzzjoni, dawn spjegawlna li għandhom żewġ kategoriji u f'kull kateġorija ħa jingħata l-ewwel, it-tieni u t-tielet post.
Kategorija A:
- Martina Abela,
- Rihanna Aquilina,
- Mychael Bartolo Chircop,
- Faith Bondin,
- Leah Cauchi,
- Shania Cauchi,
- Martina Cutajar,
- Kaya Gouder Curmi,
- Luana Schembri,
- Krista Sujak u
- Isaac Tom.
Kategorija B:
- Shawn Ciantar,
- Bradley Debono,
- Alexia Micallef,
- Amy Micallef u
- Bianca Vella.
B'mod esklussiv, it-tim ta' The Entertainers tagħna l-privileġġ li nħabbru t-tliet membri tal-ġurija li ħa jkunu qed jiġġudikaw il-fażi finali ta' The Entertainers Singing Challenge. Dawn huma Ludwig Galea, Karen DeBattista u Kurt Anthony.
Ritratt: Facebook / Ludwig Galea
Għażla ta' tliet kantanti li żgur li jafu xi tfisser li tkun f'post dawk iż-żagħżagħ li qed jikkompetu sabiex jirbħu din il-kompetizzjoni. Ludwig Galea magħruf l-aktar għall-kanzunetta On Again... Off Again... li biha fl-2004 irrapreżenta lil Malta flimkien ma' Julie Zahra fil-Eurovision Song Contest. Hu kellu diversi suċċessi u rajnieh ukoll lura fil-Malta Eurovision Song COntest permezz tal-grupp Trilogy.
Ritratt: Facebook / Karen DeBattista
Tingħaqad ma' Ludwig insibu lill-kantanta Karen DeBattista li riċentament nediet l-EP tagħha Meta L-Qalb Tħabbat, sensiela ta' kanzunetti oriġinali li ħarġet tul is-snin. F'dan l-EP wieħed jista' wkoll isib l-ikbar suċċess tal-kantanta, il-kanzunetta Jien Ma Naħdimx li biha rebħet l-edizzjoni tal-Għanja tal-Poplu fl-2014. Lil Karen DeBattista rajnieha wkoll fil-finali tal-Malta Eurovision tal-2015.
Ritratt: Facebook / Kurt Anthony
L-aħħar u mhux l-inqas, il-kantant Kurt Anthony. Kurt Anthony tfaċċa fix-xena tal-festivals permezz tal-Konkors Indipendenza tal-2014 u dakinhar kien ħareġ rebbieħ fil-kategorija Talent Ġdid bil-kanzunetta Inservi. Minn hemm il-kantant kellu diversi avventuri, inkluż avventura barra minn xtutna. Riċentament rajnieh fil-judges houses flimkien ma' Matthew, dwett bl-isem ta' Horizon.
Aħna f'isem it-tim kollu ta' Gwida.mt nawguraw lill-parteċipanti l-aqwa suċċess. Nittamaw li jkollkom wirja mill-aqwa u tgawdi din l-esperjenza. Awguri mill-qalb!
Facebook / The Entertainers