Fuq il-mezzi soċjali tagħha, il-preżentatriċi, attriċi u personalità maħbuba Eileen Montesin qasmet l-aħbar li se tkun qed tagħti l-ħajja permezz tal-vuċi tagħha lil wieħed mill-karattri li nsibu f'Peppa Pig.
Eileen ilha fil-qasam televiżiv għal dawn l-aħħar 40 sena u żgur li din l-aħbar se tinżel tajjeb mas-segwaċi maħbubin tagħha. Eileen għadha ma kkonfermatx eżatt liema karattru se tkun qed tinterpreta iżda ħafna għandhom il-kurżità u jixtiequ jaraw liem karattru ħa nibdew nisimgħu l-vuċi ta' Eileen fih.
Taf ikollna nistennew sa nhar it-Tnejn li ġej hekk kif il-produzzjoni l-ġdida ta' Media Exclusive se tkun qed tixxandar fuq TVM mit-Tnejn sal-Ġimgħa, fis-6:25 u fit-15:50, b’ripetizzjoni s-Sibt fis-7:00. Peppa Pig bil-Malti mit-Tnejn li ġej!
