Illum, wieħed mill-atturi li konna nsegwuh waqt Deċeduti, Joe Tanti, kiteb messaġġ speċjali għal tifel speċjali immens f'ħajtu, li llum qed jiċċelebra għeluq it-tmien snin tiegħu.
Joe kien tkellem dwaru fl-ewwel skeda ta' XOW, u semma tattoo li għandu u li tfisser ħafna, hekk kif turi idejn it-tifel tiegħu ta' sitt snin.
"Ma stennejtx li ta' 64 ħa jkolli tifel ta' sitt snin... għamilt tattoo b'idejh u minħabba li ma jitkellimx ktibt - Your laughter is the most beautiful sound in the world." Joe jitkellem fuq Andrew u jgħid kemm hemm relazzjoni sabiħa bejniethom.
Ftit ilu kiteb messaġġ għalih fuq Facebook biex jawguralu. "Għada dan it-teżor ser jagħlaq tmien snin! Għalkemm f'tmien snin qatt ma lissen kelma, ikkomunikajna bl-għajnejn, bl-idejn u bis-saqajn. Il-qalb kollox, il-qalb tissupera kollox. Happy Birthday Andrew tiegħi."
Awguri mill-qalb liċ-ċkejken Andrew!