Ixxerja

Il-kantanta popolari Maltija Chiara, magħrufa għall-vuċi anġelika tagħha u t-tliet darbiet li rrappreżentat lil Malta fil-Eurovision Song Contest, għadha kemm ħarġet silta ġdida bl-isem Kuljum, verżjoni bil-Malti tal-kanzunetta Angel. Din is-sena, Angel qed tiċċelebra għoxrin sena minn meta ħarġet għall-ewwel darba, u Kuljum inħarġet bħala ġieħ għal dan il-mument speċjali.

Il-lirika ta’ Kuljum hi miktuba mill-kantawtur Kurt Calleja flimkien ma’ Chiara stess, bi produzzjoni ġdida ta’ Edward Abela ta’ Midnight Studio. Chiara hija figura magħrufa sew fl-isfera mużikali Maltija, speċjalment għall-parteċipazzjonijiet tagħha fil-Eurovision:

• 1998: The One That I Love – fejn spiċċat fit-tieliet post, ftit punti ‘l bogħod mir-rebħa,
• 2005: Angel – li wasslitha sat-2 post,
• 2009: What If We – li kisbet post fil-finali u spiċċat fil-22 pożizzjoni.

B’din il-kanzunetta Chiara tkompli tfakkar is-suċċessi tagħha u tagħti ħajja ġdida lill-mużika bil-lingwa Maltija. Żgur li s-segwaċi lokali se japprezzaw din il-verżjoni ta’ Angel. 

Facebook / Chiara

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

“Barka Mis-Sema. 12mm Xita Żgura Diġà Bħala Medja” – Aġġornament Tat-Temp

Bernard Xuereb Illum

Dawk minna li qomna kmieni dalgħodu stajna naraw li kienet qed tagħmel ix-xita sew. Ix-xita bdiet matul il-lejl u f’xi lokalitajiet għadha għaddejja. Il-paġna ta’ Facebook Ġimgħa tat-Temp tkellmet dwar dan.“Barka mis-sema,” huma qalu. 12mm xita żgura ġà bħala medja. Xita tibqa’ possibbli sal-10am għal-lum is-Sibt,” huma kitbu.Skont tbassir tat-temp jidher li t-tieni nofs ta’ […]