Il-paġna uffiċjali tal-iskola St Joseph Sliema ppubblikaw messaġġ li jesprimi kemm iħossuhom kburin bl-istudenta tagħhom Chanelle Farrugia.
Kitbu, “Illum kienet okkażjoni speċjali għall-iskola tagħna hekk kif bi kburija ċċelebrajna s-suċċess mill-aqwa ta’ waħda mill-istudenti tagħna waqt viżitazzjoni ta’ ispirazzjoni fil-kulleġġ St Edward’s. Chanelle Farrugia, li qiegħda fl-għaxar sena tal-iskola, mhux biss kitbet imma anke pinġiet il-ktieb tagħha stess. Minkejja l-isfidi akkademiċi tagħha u li għandha l-awtiżmu, Chanelle irnexxielha tesprimi ruħha b’mod kreattiv permezz tal-kitba.”
Żiedu jgħidu, “Bl-appoġġ tal-Learning Support Educator, Ms Elina Camilleri, hi tat il-ħajja lill-istorja tagħha, flimkien ma’ sessjoni fejn iffirmat il-kotba, hi wriet bil-provi li l-kreattività m’għandhiex limitu.”
Qalu wkoll, “Aħna verament kburin bis-suċċess ta’ Chanelle u grati għall-mod sabiħ kif laqawna l-Kulleġġ St Edward’s. Dan l-avveniment mhux biss wera l-importanza tad-determinazzjoni u l-appoġġ, imma wkoll fakkarna dwar it-talenti uniċi li kull student jista’ joffri meta jingħata ċ-ċans.”
Facebook / St Joseph Senior School, Sliema