Għal min għandu l-applikazzjoni fuq il-mobile TikTok jaf jaraha bħala ħela ta’ ħin jew biex tgħaddi siegħa żmien. Matthew Bartolo is-sesswologu lbieraħ beda kampanja ta’ tagħlim fuq TikTok. Fl-ewwel filmat tkellem fuq il-pene u tipi differenti.
Matthew ikompli jispjega x’jiġrilu l-organu tar-raġel meta jikber u ‘jimtela’ bid-demm’. F’filmat ieħor Matthew jispjega kif ix-xaħam ikun qed jaħbi ftit mill-pene. Fi ftit sigħat dawn il-filmati jarawhom aktar minn 50elf utent fuq TikTok.
Dawn il-filmati qosra minn Sex Clinic Malta qed ikomplu jxerrdu tagħlim fuq is-sess li tant hawn bżonn. Matthew Bartolo hu magħruf ħafna għall-ispjegazzjoni interessanti u ddettaljata tiegħu u ċertament dawn il-filmati ser ikomplu jiksbu suċċess.
