Il-preżentatriċi Steph waqt il-programm tagħha Illum ma' Steph laqqgħet lit-telespettaturi ta' TVM ma' ħames personalitajiet maħbuba immens minnhom. Personalitajietl li ġejjin minn ambjenti differenti, iżda li hemm ħbiberija u rispett kbir bejniethom.
Tlieta minnhom ser nibdew narawhom waqt Sibtek kull nhar ta' Sibt wara nofsinhar; Ryan u Josmar flimkien ma' Claudia Faniello. Kif tafu l-kantanta lokali għadha kemm tħabbret li ser tissieħeb mal-familja ta' Sibtek bħala preżentatriċi.
Steph kellha kurżità dwar ir-reazzjoni ta' Claudia meta staqsewha!
"Ma stajtx nemmen, ħsibthom qed jiċċajtaw... ma stajtx nemmen li kellhom din il-fiduċja fija li jistednuni biex inkun parti minn Sibtek," tibda Claudia. Josmar ikompli jispjega dwar meta ċemplilha biex jiltaqgħu, peress li kellu l-ħsieb li jgħidulha dwar Sibtek.
Josmar ikompli jirrakkonta dwar qabel tawha l-aħbar. "Ċemplitli qaltli, 'Jo jien tlaqt issa mill-Imtarfa, dalwaqt inkun hemm.' Minuta wara terġa' ċċempilli, tgħidli, 'Jo waqagħli l-qigħ tal-karozza.' Qaltli, 'qed nisma' ħoss'."
B'xi mod il-karozza ta' Claudia ssewwiet u eventwalment ħadet l-aħbar mill-isbaħ u sorprendenti li jixtiquha tissieħeb magħhom bħala preżentatriċi. Komplu segwu hawn taħt:
Facebook/ Sibtek