Fuq il-paġna uffiċjali ta' 89.7 Bay t-tim qasam filmat meħud ġewwa l-Belt Valletta hekk kif Jamie u Taryn kienu għaddejjin b'voxpop jistaqsu lin-nies xi mistoqsijiet relatati mat-tiżjin tal-Milied fil-Belt. Hum bdew jistaqsu mistoqsijiet b'mod stramb u jaraw kif jirreaġixxu u xi jwieġbu n-nies.
Huma u mexjin ħin minnhom Jamie jilmaħ buttuna ħamra fuq kaxxa bit-tema Christmas in the Capital. Waqt li Taryn bdiet tgħidlu biex ikomplu u biex ma jazzardax jaqbad u jagħfasha, Jamie xorta rnexxielu b'xi mod jipprova jaqta' l-kurżità.
Malli għafasha, il-Belt Valletta spiċċat kollha mixgħulha! Araw daqsxejn xħin spiċċaw l-għassa minħabba Jamie, u kif spiċċat l-istorja!
