Dan il-ġeru għadu kif instab abbandunat barra nhar is-Sibt li għadda. Iżda mad-daqqa t’għajn mill-ewwel tinduna li dan il-kelb huwa differenti mill-oħrajn… propju propju għax twieled b’denb ġo nofs moħħu!
Filmat: Facebook/Mac the Pitbull
Hu twieled b’denb normali fuq wara ta’ daru wkoll u għalkemm dan jiffunzjona kif suppost, dak ta’ fuq moħħu huwa denb ‘mejjet’ li ma jiffunzjonax.
Meta l-veterinarji eżaminawh, irrealizzaw li l-ġeru mhux qiegħed ibgħati minn din id-diżabbilità u li se jkun jista’ jgħix ħajja normali.
Ritratt: Facebook/Mac the Pitbull
L-NGO bl-isem ta’ Mac’s Mission ġo Missouri fl-Amerika ħaditu biex meta jikber biżżejjed, ikun jista’ jiġi addottat. Il-ġeru ġie msemmi ‘Narwhal’, b’referenza għal dawk il-baleni li jkollhom tusk twila ħierġa minn qalb għajnejhom.
Ritratt: Facebook/Mac's Mission
Il-kelb jidher ferrieħi ħafna, kurjuż u moħħu biex jilgħab! Kieku tkun int taddottah jew tiddejjaq għax hu diżabbli?
Facebook/Mac's Mission